Alazne Zubizarreta

Arrasate, 1994. Bilbon bizi da. EHUko Arte Gradua bukatu ondoren, grabatuaren esparruan formakuntza osatzen du eskola zein lantegi ezberdinetan. Diseinu master bat ere burutzen du. Hainbat erakusketetan parte hartu du, esate baterako Ilean marra bat egin, La Taller gunean, Eggs onna plate, BilbaoArten, Gigante Feísimo Narata espazioan, EZA Bilboko Okela sormen-lantegian, eta Itzuli barik Harriak programaren barruan. 2020an BilboArteko egoiliar programan hartu zuen parte eta 2022an Ertibil saria irabazi zuen. Bere lana grafikaren eremuan kokatzen da eta, duela urte batzuetatik hona, marrazkiaren aplikazio desberdinak interesatzen zaizkio.